طبعاً رمضان جانا وجات معاه الطبخات والحوسة..:-)
وأول يوم من رمضان ما سويت شي بس مساعدات مع السّت ماما..:)
وثاني يوم قلت لازم أسوي شي..<<<<<< تعرفون فشيله أخاف يقولون.. كبيرة ولا سوّت شي..
أما اليوم الثالث ماسويت حاجه.. لأني كنت أقرأ قرآن .. ومو فاضيه..( أبي أختم )..؛)
المهم :..أخذت كتاب الطبخ (النخبة)…وقعدت أقلب في الصفحات إلين ما طاحت عيني على التشيز كيك خصوصاً لأن طريقتها سهلة وسريعة..
رحت للماركت أنا وأختي سمية وجلسنا نحوس ندوّر المقادير.. ولقينا كل شي ورجعنا..:)
جهّزت أغراضي للحلى ورتبتها وأخذت الكتاب وجلست أقرأ المقادير..
المقادير:::
أ/ باكيت شاي مطحون + إصبع زبدة لين..
ب/ في الخلاط:
علبة ونصف كيري (9 حبات)..
علبة قشطة
3 بيضات ….( أنا حطيت 2بيضة خفت من الزّفر)<<<< خخخخخJ
ملعقة صغيرة فانيليا
2 فنجال سكر ممسوح
الطريقة:
1- تخلط مقادير الطبقة ( أ ) سوياً ثم ترص في صينية متحركة القاعدة ..
2- نصب ( ب ) بعد خلطها على ماسبق وتدخل الفرن… طبعا على حسب ألين تشوفينها متماسكه..
3- بعد أن تبرد نضع عليها إما فرولة أو التوت الأزرق ( المُعلّب )
وبعدين نقدّمها باردة..:)
أنا قدمتها للأهل وستانسوا عليه مره وحبوه كثير بس بابا ما عطيته مسكين لأنه فيه سكر..:(
بس أستغربت لمن جاني في غرفتي وماسك الحلى ياكل منه وقالي: آلاء أنتِ اللي مسويته قلت له: إي وعلامة التعجب !!:-o واضحه على وجهي.. قالي:: تعالي.. تعالي.. وأخذني بالأحضان ..؟؟؟؟؟؟؟!!!!!!!
غريبه وش السالفة.. أنا مو أول مره أسوي حلى..!!8-)
قال: ماشاء الله عليك يابنتي .. طعمها جنان ..إيه أبغاك كذا دايماً ..الخ و الخ و الخ..:s
أنا : مشكور..<<<< ينقال مستحيه يعني:$ ..هههههههه
أنا: يبه عادي تاكل حلى …وأنت فيك سكر؟؟؟!!8-)
بابا: لا بس السكر منخفض عندي كثير يابنتي وأكلت هالحلى..
أنا: اهاااااا..
بس بصراحة حسيت نفسي بعد التمديح أحسن طباخه..<<<<< ههههههههههه 
حمّسوني كل يوم أسوي صنف..:)
وإن شاء الله اللي ما جرّبها يجرّبها .. تراها لذييييييذه :p
وبالهناء والعافية..:)
